مـلاااااااااااك مـش بـشر بقلم أبـو يــوسـف محمد

مـلاااااااااااك مـش بـشر
بقلم أبـو يــوسـف محمد
******************

وأنا وياك عاشـق هــــــواك
و لو تبـعد بـكون جـــــــواك
بكون شمسك بكون ضـلك
بـعـيش فى سـماااااااااااك
معاك عينى وكل حــنينى
و قـلبى فــدااااااااااااااااااك
أنـا عـــمرك أنـــا قــــدرك
و كل هــوااااااااااااااااااااااك
و لا تـخبى يـا روح قـــلبى
حنين عايش وروح عايزاااك
وكل منايا وكل منااااااااااااك
أنـا مشتااااااااااااااااااااااااق
وتجمعنا كـــتير أشــــــواق
و لا يبــعدنـا أى فــــــــراق
يـا روح قـلبى أنـا مشــتاق
حنـين قربـك لهـيب حـــبك
أنـا و قـلبك سوا عـايشـين
أنــا بحــــبك أنـا و حـــــبك
فى الســــــما طـــايــريـن
أنـا قـلــــبك و أنــا و قـلــبك
فى الســــما عاشــــــقين
و يجمـعنا يا نـــــور عــــينى
حبنا الغـالى و كـله حنـــين
زى العصــافير بنـطير ونـطير
و حــبنا صـافى و كلـنا خـير
حــب و هـــيام و يا الـــغرام
و قـلــبنا داب عــند القــــمر
هنعيش سوا فوق السحاب
و ارسم عـــيونـك ع المــطر
و انسى بـهواك كل العـذاب
عـشق الشـفايـف والسـفر
أسكن سماك واطلب رضاك
وأسهر مـعاك يا اللى هـواك
أحـلى هـــــدية من القـــدر
بعـشق هـواك أصـلك مــلاك
أصــلك مــلاك مـش بــــشر

أحلام الخريف .... بقلم الشاعر أبو يوسف محمد .... مصر

أحلام الخريف .... بقلم الشاعر أبو يوسف محمد 
لسه قلبى زى قلبك
لسه قلبى طاهر شريف

ليه يا مصر بتندهيلى ف الخريف
قصدك أبعد وأسيبك
ولا أقول ما أنا كهل وضعيف
ما أنتى كنتى نسيانى ف الربيع
وكنتى شايفانى باصرخ وأضيع
فين الأمان فين الحنين
فى أى ملة وأى دين
يقتلونى المجرمين
لسه قلبى زى قلبك
لسه قلبى مجروح حزين
هوة أنا مش إبنك
وعاشق تراب أرضك
ودمى بلون دمك
وليل نهار رافع أنا علمك
ولى عشق خلاص وانتهى
وحب ولى وراح
مش فاكرة لما كنتى بتندهيلى
وتقوليلى ... حى على الفلاح
لما كنتى بتصحينى مـ الفجرية
لما كان الديك بيبدأ بالصياح
لما كان يطل صبحك بانشراح
كنت أحس جوة حضنك بالبراح
ليه يا مصر
دمى ودم أخويا مستباح
واللى كان أيام زمان
كنت أحس جوة حضنك بالأمان
لما كنا نكتب ع الحيطان
بحبك يا مصر بحبك يا مصر
لما كنا نسمع النشيد
وتحيا مصر تحيا مصر
وقلبى بيرقص
وجوايا بيتعصر عصر
وأه عليكى يا بلد
من ناس غريبة ع البلد
بيموتولك الزرعة
وبيقتلولك الولد
بيرسمونى أكون مملوك
وأدخل القلعة مع المماليك
ويخلص عليا محمد على بإيديك
وإيه اللى كان ليهم
وإيه اللى كان لينا
وإيه اللى كان ليك
وأنا بفديك
وأنا بفديك منين ما بكون
بيرسمونى أكون فرعون
وأعيش طاير ورا أحلامى
منين ما تكون
هوة أنا عاقل ولى أنا مجنون
عايزين يلهونى عن اللى جوايا
وكان حر وبات مسجون
يا مصر يا غالية
يا أغلى من عينى
ردى عليا وجاوبينى
ليه يا مصر النفوس متغيرة
هية دى قلوب ولادك
ولى القلوب متحجرة
كره وضياع
فى إيه تانى مستنظرة
واقف على بابك
غرقان فى أحزانك
وقاطع تذكرة
مش كنتى بتوعدينى تسعدينى
ولى مش متذكرة
مش كنتى بتوعدينى
تمسحيلى دموع عينى
مش كنتى بتوعدينى
لما اسكت تسألينى
مش كنتى بتوعدينى
لما اشكى تسمعينى
ولى كنتى بتوعدينى
لما أقرب تهجرينى
ولى كنتى بتوعدينى
لما أكبر يقتلونى
رغم اللى كان واللى حصل
مش هبعد بعيد
مش هسيبك مش هنفصل
رغم اللى كان رغم الخريف
لسه قلبى زى قلبك
لسه قلبى طاهر شريف
رغم اللى كان رغم الأسية
نفسى لما تلمحينى
جاى ومشمر إيديا
نفسى بس تحضنينى
وإيديكى تطبطب عليا
يا مصر يا غالية
يا أغلى ما ليا

اجرحنى بقلم ابو يوســــف محمد

 

اجرحنى
بقلم ابو يوســــف محمد
******************

اجرحنى يا حــــــب العمر
اجـــرح حبـــــيب العـــمر
اجرحـــــــنى و خلى المر
مـــية و ريـق فى الفــــم
******************
اجرحنى يــا روح الــــروح
اجرحنى و فين مـا تــروح
اروينى بعــذاب و جــروح
اظلمنى وزيد فى الظلم
******************
اجرحنى بـدون احساس
اجـرحنى يــا أعــز الناس
اسقينى مـــرار الــكاس
اسقـينى الألـم و الـهم
******************
اجرحنى واقول معـلـش
أصـلى بملــــــيون وش
اقتل و قـول مـــ الغــش
إنـــــك بـــرئ مـــ الدم
******************
اجـرحنى كمان و كمان
اجـرح حبـــــيب هـيمان
اجرح و عــــيش فـرحان
فوقنى لأكـــون بحـــلم
******************
مـدام الجـــــرح بيعـلم
اجـرح كـمان يـا معــلم
اجـرحنى عشان اتعلم
مــــــنك يفـيد العـــلم
******************
اجــرح و زيد فـــ الجـرح
اجرحنى و مش هـتألم
اجرح و ســيب الجــرح
يرسم ســـواد و يعـلم

كل الخواطر ... بقلم أبو يوسف محمد

كل الخواطر ... بقلم أبو يوسف محمد
عـشـانـك يـــــا أبــو زيــــــد
وعشان عيون كل الخواطر

كـل دمــــعة مـن عــيونـك
أشـتريـها بـألــف خـاطــــر

الله علينا .... بقلم أبو يوسف محمد

الله علينا .... بقلم أبو يوسف محمد
الله علينا الله علينا
كل الأغانى اللى فــ عنينا

فرحانة بينا
بتغنى لينا و بتراضينا
حتى النجوم
فوق فــ السما
سهرانة لينا
سهرانة لينا و بتنادينا
حتى الطيور فى عشها
بنحسها
وتحس بينا
الله علينا الله علينا
من فرح قلبى
نسيت يا قلبى
إمتى إلتقينا
ولا عمر قلبى
يقول يا قلبى
إحنا إنتهينا
أنا وحبيبى
فاتحين إيدينا
لكل قلب يحس بينا
أنا وحبيبى
وليالى حب بتشتهينا
وبتداوينا
أنا وحبيبى الشوق مالينا
الله علينا الله علينا
لمسات إيدينا
نظرات عنينا
ليالى عشق دايبة فينا
الفرح دايم
والقلب هايم
حتى النسايم
طايرة بينا
للحب روحنا
للحب جينا
ما الحب روحنا ونور عنينا
والفرح عمره
ما كان ناسينا
الله علينا الله علينا

لا تخجلين .. بقلم أبو يوسف محمد

لا تخجلين .. بقلم أبو يوسف محمد
******** لا تخجلــين ********
تتــوه الرحايـــا خلــــــف السنيـــن

و يبقـى الحــــب و يبقـى الحنيـــن
قــدرا محتـــــــم فــلا تـهـربــــــين
تــذوب الحنـــــايــا فــلا تـخجـلــين
مللـت الســـــراب وليـــل الغيــــاب
يـا فــــرح الزمـــان ونبـــع الحنــــان
وشمـــس المكــــان فــلا تغربـــين
ستبـقـين قـلبــا وقـــــت الصــــلاة
ستبـقــين دومـــــا بفضـــــل الاله
عطـــر و عمــــر لفــــرح الحـــــياة
يـا صــــوت الأذان يــا كل الـرنيــــن
فـمن تعـشـقـين فـمن تعـشـقـين
علـى شـفـتيـك لحـن وعــــــــــود
علـى وجـنتيـك مـعنى الوجـــــــود
تعــالى نـرحـل بـعـــد الجــــــــراح
فـقــلبى لقـلـــبك حضــن البـــراح
وعينــك قـمـــرا ينيــر الصــــــــباح
شمسا وعطــرا وهمـس الســنين
فـلا تتـــــركـــينى و لا تـرحلـــيــن
و قـــربى دومــــــا و لا تـخجـلــين

جوة منك يا وطن .... بقلم أبو يوسف محمد

جوة منك يا وطن .... بقلم أبو يوسف محمد
مرة زمان من زمن
جوة منك يا وطن

جوة الوهن
غنى الصبى حلم الوطن
حلمه الضرير
حلمه الأسير
مات الضمير
جوة منك يا وطن
حدوتة بايخة
وألف صرخة
فى الطريق مستهترة
أوجاع كتير متكررة
قصاقيص بتحكى حلمها
يوم ما اقتلوا إبنها
مـ اللى خاين واللى بايع
وكتير ضماير فـــ الشوارع
متغيرة ..... متبعترة
ونفوس كتير من غير تمن
كان الزمان غير الزمن
جوة منك يا وطن
جوة الوهن
غنى الصبى حلم الوطن
حلمه الضرير
حلمه الأسير
مات الضمير
جوة منك يا وطن
وهم جرح الهمهمة
يزرع حروف متلجمة
أفواه كتير متكممة
وأيادى حرة مقيدة
كان حلمها
لحظة سجود مع ربها
بعد الغروب
يطل تانى فجرها
عصفور ضعيف
وفصول خريف ... متغيرة
ونفوس ضعيفة مكسرة
أحلام كتير متبخرة
أشواك كتيرة مزهرة
كان الزمان غير الزمن
انكسار
ألف ليل من غير نهار
حزن وشجن
جوة منك يا وطن
جوة الوهن
غنى الصبى حلم الوطن
حلمه الضرير
حلمه الأسير
مات الضمير
جوة منك يا وطن
ألف صرخة مـ الضياع
ألف كلمة بتتولد
لحظة وداع
فارس بطل
فارس جدع
فارس شجاع
لحظة ما مات
اتولد حلم طاهر
هزنى وهز السكات
جوة حزنك
هنسى دمعى
لما يوم يعيش ولادى
جوة فرحك
وانسى همى جوة همك
وانسى نفسى جوة منك
جوة منك يا وطن
مرة زمان من زمن
جوة الوهن
غنى الصبى حلم الوطن
حلمه الضرير
حلمه الأسير
مات الضمير
جوة منك يا وطن
جوة منك يا وطن