كل الخواطر ... بقلم أبو يوسف محمد

كل الخواطر ... بقلم أبو يوسف محمد
عـشـانـك يـــــا أبــو زيــــــد
وعشان عيون كل الخواطر

كـل دمــــعة مـن عــيونـك
أشـتريـها بـألــف خـاطــــر

الله علينا .... بقلم أبو يوسف محمد

الله علينا .... بقلم أبو يوسف محمد
الله علينا الله علينا
كل الأغانى اللى فــ عنينا

فرحانة بينا
بتغنى لينا و بتراضينا
حتى النجوم
فوق فــ السما
سهرانة لينا
سهرانة لينا و بتنادينا
حتى الطيور فى عشها
بنحسها
وتحس بينا
الله علينا الله علينا
من فرح قلبى
نسيت يا قلبى
إمتى إلتقينا
ولا عمر قلبى
يقول يا قلبى
إحنا إنتهينا
أنا وحبيبى
فاتحين إيدينا
لكل قلب يحس بينا
أنا وحبيبى
وليالى حب بتشتهينا
وبتداوينا
أنا وحبيبى الشوق مالينا
الله علينا الله علينا
لمسات إيدينا
نظرات عنينا
ليالى عشق دايبة فينا
الفرح دايم
والقلب هايم
حتى النسايم
طايرة بينا
للحب روحنا
للحب جينا
ما الحب روحنا ونور عنينا
والفرح عمره
ما كان ناسينا
الله علينا الله علينا

لا تخجلين .. بقلم أبو يوسف محمد

لا تخجلين .. بقلم أبو يوسف محمد
******** لا تخجلــين ********
تتــوه الرحايـــا خلــــــف السنيـــن

و يبقـى الحــــب و يبقـى الحنيـــن
قــدرا محتـــــــم فــلا تـهـربــــــين
تــذوب الحنـــــايــا فــلا تـخجـلــين
مللـت الســـــراب وليـــل الغيــــاب
يـا فــــرح الزمـــان ونبـــع الحنــــان
وشمـــس المكــــان فــلا تغربـــين
ستبـقـين قـلبــا وقـــــت الصــــلاة
ستبـقــين دومـــــا بفضـــــل الاله
عطـــر و عمــــر لفــــرح الحـــــياة
يـا صــــوت الأذان يــا كل الـرنيــــن
فـمن تعـشـقـين فـمن تعـشـقـين
علـى شـفـتيـك لحـن وعــــــــــود
علـى وجـنتيـك مـعنى الوجـــــــود
تعــالى نـرحـل بـعـــد الجــــــــراح
فـقــلبى لقـلـــبك حضــن البـــراح
وعينــك قـمـــرا ينيــر الصــــــــباح
شمسا وعطــرا وهمـس الســنين
فـلا تتـــــركـــينى و لا تـرحلـــيــن
و قـــربى دومــــــا و لا تـخجـلــين

جوة منك يا وطن .... بقلم أبو يوسف محمد

جوة منك يا وطن .... بقلم أبو يوسف محمد
مرة زمان من زمن
جوة منك يا وطن

جوة الوهن
غنى الصبى حلم الوطن
حلمه الضرير
حلمه الأسير
مات الضمير
جوة منك يا وطن
حدوتة بايخة
وألف صرخة
فى الطريق مستهترة
أوجاع كتير متكررة
قصاقيص بتحكى حلمها
يوم ما اقتلوا إبنها
مـ اللى خاين واللى بايع
وكتير ضماير فـــ الشوارع
متغيرة ..... متبعترة
ونفوس كتير من غير تمن
كان الزمان غير الزمن
جوة منك يا وطن
جوة الوهن
غنى الصبى حلم الوطن
حلمه الضرير
حلمه الأسير
مات الضمير
جوة منك يا وطن
وهم جرح الهمهمة
يزرع حروف متلجمة
أفواه كتير متكممة
وأيادى حرة مقيدة
كان حلمها
لحظة سجود مع ربها
بعد الغروب
يطل تانى فجرها
عصفور ضعيف
وفصول خريف ... متغيرة
ونفوس ضعيفة مكسرة
أحلام كتير متبخرة
أشواك كتيرة مزهرة
كان الزمان غير الزمن
انكسار
ألف ليل من غير نهار
حزن وشجن
جوة منك يا وطن
جوة الوهن
غنى الصبى حلم الوطن
حلمه الضرير
حلمه الأسير
مات الضمير
جوة منك يا وطن
ألف صرخة مـ الضياع
ألف كلمة بتتولد
لحظة وداع
فارس بطل
فارس جدع
فارس شجاع
لحظة ما مات
اتولد حلم طاهر
هزنى وهز السكات
جوة حزنك
هنسى دمعى
لما يوم يعيش ولادى
جوة فرحك
وانسى همى جوة همك
وانسى نفسى جوة منك
جوة منك يا وطن
مرة زمان من زمن
جوة الوهن
غنى الصبى حلم الوطن
حلمه الضرير
حلمه الأسير
مات الضمير
جوة منك يا وطن
جوة منك يا وطن

أعظم أم ... كلمات أبو يوسف محمد

 

أعظم أم ... كلمات أبو يوسف محمد
بتشيلى الدمعة من عينى
عشان عينى

يا نور عينى
تكون أجمل
بتشيلى الكحلة من عينك
وتكحلى عينى
عشان عينى
يا نور عينى
بنور عينك بتتكحل
أنا ابنك
فى يوم الحزن أكون فرحك
فى يوم الهم أكون سعدك
يا أعظم أم
يا اطيب أم
وأنا صغير
حلمت زمان أبقى كبير
وشعورى ليك ما يتغير
وأنا ف حضنك
أغنى وأطير
يا شايلة الهم
يا أعظم أم
يا اطيب أم
يا نن العين يا بحر حنين
ضمينى
ضمينى جوة فى قلبك
عشان برتاح على صدرك
أنا برتاح
أنا برتاح وأنا ف حضنك
وبنسى الهم
يا أعظم أم
يا اطيب أم
ونفسى فى يوم أرد الدين
يا نن العين
يا بحر حنين
أعيش شمعة لنور لياليك
أبوس إيدك
أبوس حتى تراب رجليك
أكون نسمة فرح طاير
تطوف حواليك
ولا يكفى لرد الدين
يا نن العين
يا بحر حنين
يا كل الدنيا
يا أمى
يا أعظم أم

شمس النهار ... كلمات ابو يوسف محمد

شمس النهار ... كلمات ابو يوسف محمد
تبعد حروف الحق
عن شمس النهار

يصرخ ضميرى لأ
مفيناش انتظار
وهوة فين الصدق
وليه طعم المرار
ملينا ليالى الصبر
وشبعنا انكسار
**************
ارسم حروف الكلام فرحة
تلبس عروسة الحبيب طرحة
وأزرع ورود الحب
تصبح بالأمال طارحة
وأجرى مع الناس وأفرح
تقابلنى القلوب جارحة
***************
نفسى فى يوم الناس
تداوى جروح الناس
وتبقى حياتنا خير
ويكون ضميرنا اساس
ويكون سلاحنا القلم
سلاحنا القلم والفاس
***************
بكرة الحروف ترجع
وسحر الكلام هيعود
نفسى فى يوم الظلم
ميكونش يوم موجود
وتبقى حياتنا حب
حب وسماح وورود
ونشوف الحياة ازهار
وكل يوم نفرح
بألف نهار ونهار
و شمس النهار تفرح
بطلوع النهار

جوة منك يا وطن .... بقلم أبو يوسف محمد

جوة منك يا وطن .... بقلم أبو يوسف محمد
مرة زمان من زمن
جوة منك يا وطن

جوة الوهن
غنى الصبى حلم الوطن
حلمه الضرير
حلمه الأسير
مات الضمير
جوة منك يا وطن
حدوتة بايخة
وألف صرخة
فى الطريق مستهترة
أوجاع كتير متكررة
قصاقيص بتحكى حلمها
يوم ما اقتلوا إبنها
مـ اللى خاين واللى بايع
وكتير ضماير فـــ الشوارع
متغيرة ..... متبعترة
ونفوس كتير من غير تمن
كان الزمان غير الزمن
جوة منك يا وطن
جوة الوهن
غنى الصبى حلم الوطن
حلمه الضرير
حلمه الأسير
مات الضمير
جوة منك يا وطن
وهم جرح الهمهمة
يزرع حروف متلجمة
أفواه كتير متكممة
وأيادى حرة مقيدة
كان حلمها
لحظة سجود مع ربها
بعد الغروب
يطل تانى فجرها
عصفور ضعيف
وفصول خريف ... متغيرة
ونفوس ضعيفة مكسرة
أحلام كتير متبخرة
أشواك كتيرة مزهرة
كان الزمان غير الزمن
انكسار
ألف ليل من غير نهار
حزن وشجن
جوة منك يا وطن
جوة الوهن
غنى الصبى حلم الوطن
حلمه الضرير
حلمه الأسير
مات الضمير
جوة منك يا وطن
ألف صرخة مـ الضياع
ألف كلمة بتتولد
لحظة وداع
فارس بطل
فارس جدع
فارس شجاع
لحظة ما مات
اتولد حلم طاهر
هزنى وهز السكات
جوة حزنك
هنسى دمعى
لما يوم يعيش ولادى
جوة فرحك
وانسى همى جوة همك
وانسى نفسى جوة منك
جوة منك يا وطن
مرة زمان من زمن
جوة الوهن
غنى الصبى حلم الوطن
حلمه الضرير
حلمه الأسير
مات الضمير
جوة منك يا وطن
جوة منك يا وطن

 

قصيدة عمرك

بقلم الشاعر أبو يوسف محمد

لما نكون عايشين

أحلام سنين ضايعين

لما نكون حاسين

بغربة وكمان تايهين

لما يكون الوجع فرحك

لما يكون الكلام دمعك

إيه يكون عمرك ؟

لما الحروف

فى بداية السطور

بتموت

لما الغناوى

فى عيون الصغار

مرة ومن غير صوت

لما الخطاوى تكون واخدانا

والدمعة تكون سابقانا

والفرحة تكون بشروط

لما يكون السكوت مر

ويكون الكلام موووت

لما تكون

نقط الحروف هم

لما يكون

ضحك العيون وهم

لازم يكون

وجع السنين فرحك

و إيه يكون عمرك ؟

لما يكون عمرك

شك وظنون

لما تكون

نقط الدموع

جوة العيون

تنزل وتبكى

برة الجفون

كله يهون

لما يكون صاحب

عمره ما كان صاحب

ياخد الفرح منك

ويسيب الألم صاحب

ولما تصاحب

تصاحب كمان وجعك

إيه يكون عمرك ؟

لما تقول أيوة بألف لا

لما تكون الضحكة

تبكى بألف أه

وليه الفرح موجود

بس الوجع جواه

ليه الفرح موجود

بس الطريق تاه

لما تكون الغيوم شمسك

لما يكون السواد قمرك

إيه يكون عمرك ؟

لما يكون عمرك

نفسك تداوى الجرح

نفسك تشوف الفرح

لما يكون جواك

أحلام سنين عايشاك

لما كمان تنساك

عيون حبيب عاشقاك

إوعى فى يوم تحسب

إن الزمان و ياك

ولا عمره كان ضهرك

انسى فى يوم حلمك

انسى كمان نفسك

وانسى كمان .. عمرك

عاجبك كده .... رباعية بقلم أبو يوسف محمد

ســاكـت كـده و مـسـهـم

ســـاكــت كــده مـــــالـك

حزنــك طـفــح و مـعـلــم

عـاجــبــك كــده حـــالـك

اكتب ... بقلم ابو يوسف محمد

اكتب دموع صفحة

فى ألف كتاب وكتاب

وحروف الكلام رايحة

ترسم وجع وعذاب

يا عينى .... بقلم ابو يوسف محمد

يا عينى ليه بدمعى

ما حبيبنا سابنا خلاص وراح

قوليلى ليه تتوجعى

ويفيد بإيه بس الجراح

أحلام الخريف .... بقلم الشاعر أبو يوسف محمد

لسه قلبى زى قلبك

لسه قلبى طاهر شريف

ليه يا مصر بتندهيلى ف الخريف

قصدك أبعد وأسيبك

ولا أقول ما أنا كهل وضعيف

ما أنتى كنتى نسيانى ف الربيع

وكنتى شايفانى باصرخ وأضيع

فين الأمان فين الحنين

فى أى ملة وأى دين

يقتلونى المجرمين

لسه قلبى زى قلبك

لسه قلبى مجروح حزين

هوة أنا مش إبنك

وعاشق تراب أرضك

ودمى بلون دمك

وليل نهار رافع أنا علمك

ولى عشق خلاص وانتهى

وحب ولى وراح

مش فاكرة لما كنتى بتندهيلى

وتقوليلى ... حى على الفلاح

لما كنتى بتصحينى ف الفجرية

لما كان الديك بيبدأ بالصياح

لما كان يطل صبحك بانشراح

كنت أحس جوة حضنك بالبراح

ليه يا مصر دمى ودم أخويا مستباح

واللى كان أيام زمان

كنت أحس جوة حضنك بالأمان

لما كنا نكتب ع الحيطان

بحبك يا مصر بحبك يا مصر

لما كنا نسمع النشيد

وتحيا مصر تحيا مصر

وقلبى بيرقص

وجوايا بيتعصر عصر

وأه يا بلد

من ناس غريبة ع البلد

بيموتولك الزرعة

وبيقتلولك الولد

بيرسمونى أكون مملوك

وأدخل القلعة مع المماليك

ويخلص عليا محمد على بإيديك

وإيه اللى كان ليهم

وإيه اللى كان لينا

وإيه اللى كان ليك

ولى تاريخ وخلاص يحسب خطاويك

وأنا بفديك منين ما بكون

بيرسمونى أكون فرعون

وأعيش طاير ورا أحلامى

منين ما تكون

هوة أنا عاقل ولى أنا مجنون

عايزين يلهونى عن اللى جوايا

وكان حر وبات مسجون

ليه يا مصر النفوس متغيرة

هية دى قلوب ولادك

ولى القلوب متحجرة

كره وضياع

فى إيه تانى مستنظرة

واقف على بابك

غرقان فى أحزانك

وقاطع تذكرة

مش كنتى بتوعدينى تسعدينى

ولى مش متذكرة

مش كنتى بتوعدينى

تمسحيلى دموع عينى

مش كنتى بتوعدينى

لما اسكت تسألينى

مش كنتى بتوعدينى

لما اشكى تسمعينى

ولى كنتى بتوعدينى

لما أقرب تهجرينى

ولى كنتى بتوعدينى

لما أكبر يقتلونى

رغم اللى كان واللى حصل

لما تنادينى هتلاقينى

رغم اللى كان رغم الخريف

لسه قلبى زى قلبك

لسه قلبى طاهر شريف

رغم اللى كان رغم الأسية

نفسى لما تلمحينى

جاى ومشمر إيديا

نفسى بس تحضنينى

وإيديكى تطبطب عليا

يا مصر يا غالية

يا أغلى ما ليا

مسائية ... بقلم أبو يوسف محمد

أسفارى قبل النوم مسائية

أحبارى دووووووم مسائية

أشعارى اليــــوم مسائية

أهديها لمن تسكن فيـا

ترحل فيـــا

تحيا فيـــا

إليكى إليا هذه المسائية

أجلس معها وحديا

على أطراف زهور برية

اكتب أشعارا ورديــــة

لعيون حبيبة ملائكية

أنغام

أحلام

أعرفها من ألف عام

تهمسنى

تحرسنى

من أى رواسب دنيوية

إليكى يا حبيبتى

هذه المسائية

جلست على حافة أنهارى

تداعب خصلة أوتارى

هى جنة حبى

هى نارى

هى باقة عطر وردية

أشعارى اليوم مسائية

جلست تتصفح كلماتى

أحزنها حزنى وأهاتى

جلست ترسم أشعارى

حروفى تسبق أناتى

أبكاها الحرف وأبكانى

واستنى بنظرات خمرية

أشعارى اليوم مسائية

تفرحنى طلة عينيها

كطفل يفرح بهدية

أدمنت القهوة وعينيها

وهمسات عشق يومية

أشعارى اليوم مسائية

أمزيج أنتى من العطر

وشموخ إمرأة عربية

أم أنتى كثير من سحر

لعيون إمرأة غربية

ما أحلى السحر وبهجته

لشفاة إمرأة شرقية

أشعارى اليوم .... مسائية

أهديها لمن تسكن فيـا

ترحل فيـــا

تحيا فيـــا

إليكى إليا هذه المسائية

إلى حبيبة قلبى الملائكية

الشاعر أبو يوسف محمد .... الفيوم

........ ضل السكات .........

ملـيت خــلاص ضـل الســكات

الحـــب مـــات والفـــرح مـــات

خــــاوى ضــلـك مـش فاضـلك

غــير شـــــويــة ذكــــــريــات

ألــــوان كـــتيرة فـــ ســــكتك

تـغــــنى بيــــــها وحــــدتـــك

تـــدارى بيــــــها دمــــعـــتـك

لا صـبر عــاد و لا فــــرح عــاد

احــزن يــــا واد احــزن يـــا واد

مــاتـت خــلاص فـرحــــــــتك

لــــون جــدايـل شـــــــعرهــا

لـــــون عـــيونــهـا وكــحـلــها

قـلــبى مــــات مـن بـعـدهـــا

مـ الحـنين تنزل منى دمـعتيـن

دمــــعة تـبكى عــ اللـى فــات

ودمــعة تــشـــكى مـ الأنـيـــن

انـكـسار .... ضــعـف .... وهـن

و قلــب مـــات مـن غــير تـمـن

لـــو ســـــــمحـت يـــا زمــــن

ســـيب عــيونى مـغــمـضـيـن

ســــيب ورودى مـــفـتـحـــيـن

إوعــى تـكــــتـب عـ الجـــبـيـن

كل شــعرى يــعــيـش حـــزيـن

ســيبنى أفــــرح لــو يــومــيـن

كـــل خـوفى بـلـون حــــروفـى

فــــوق ســـطورى مبـعـتـريــن

مـليت خــلاص ضـل الســــكات

الــفرح مــات والـــحـب مــــــات

وبـقيت خـلاص زى اللى مــــات

عايـش فى ضلى من ســــكات

قصيدة .... بحبك حبيبى
كلمات الشاعر أبو يوسف محمد
بـــــــحبك بـــــــــــحبك
لأبــــعد حــــــــــــــدود
يــا عطـــــــر الامــــانى
يــــا كـــــــل الــــــورود
يــا فــــــــــــــرح الليالى
يـــا لـــحن الخـــــــــلود
يــا قــلبى يــا عــــمرى
يــا كـــــــل الـوجــــــود
عـــيونـك حــــــــــبيبى
بــلون الســـــــــــــــما
قـــــلبك حـــــــــــبيبى
صـــــــــــــــدق ودفــــا
هـمــــسك حـــــــنينك
حـــــــــــــــبك صـــــفا
بــــــــــحبك حــــــبيبى
يـــا رمـــــــز الوفــــــــا
بـــــــــحبك حــــــبيبى
بــــــــــــــــــحبك أنـــا
يــا أجــــــمل هــديــــة
مـــن رب الــــبريــــــــة
بــــحبك حــــــــــــبيبى
يــا روحـــــى وعـــــنية
يــا حــــــــب الــــزمان
يــا عــــــطر المـــــكان
بـحــــــــبك حــــــبيبى
بـحــــــــــبك كــــــمان
أه مـــــــــــــــــــــنك أه
يــا أجـــمل شــــــفاة
يــا قــلبى يـا عـــمرى
يـــا كـــــل الحــــــــياة
بـــــحـبك حــــــــبيبى
يــا كـــــل الـــــــــكون
يــا قــــــلب وحـــــنون
و مـــهما يــــــــــــكون
بـحـــــبك حــــــــبيبى
بـــحـــــب بــجـــــنـون
يــا صـــــــوت الــبلابـل
يا عشقى اللى فاضل
بحـــــــــبك وقـــــــادر
اطـــــــوى الأنــــــــين
يــا فـــــرح الســـــنين
بـحـــــــبك حــــــبيبى
بـحـــــــبك حــــــبيبى
يــا حــــب وحـــــــنين

الله علينا .... بقلم أبو يوسف محمد
الله علينا الله علينا
كل الأغانى اللى فــ عنينا
فرحانة بينا
بتغنى لينا و بتراضينا
حتى النجوم
فوق فــ السما
سهرانة لينا
سهرانة لينا و بتنادينا
حتى الطيور فى عشها
بنحسها
وتحس بينا
الله علينا الله علينا
من فرح قلبى
نسيت يا قلبى
إمتى إلتقينا
ولا عمر قلبى
يقول يا قلبى
إحنا إنتهينا
أنا وحبيبى
فاتحين إيدينا
لكل قلب يحس بينا
أنا وحبيبى
وليالى حب بتشتهينا
وبتداوينا
أنا وحبيبى الشوق مالينا
الله علينا الله علينا
لمسات إيدينا
نظرات عنينا
ليالى عشق دايبة فينا
الفرح دايم
والقلب هايم
حتى النسايم
طايرة بينا
للحب روحنا
للحب جينا
ما الحب روحنا ونور عنينا
والفرح عمره
ما كان ناسينا
الله علينا الله علينا

لا تخجلين . بقلم أبو يوسف محمد
******** لا تخجلــين ********
تتــوه الرحايـــا خلــــــف السنيـــن
و يبقـى الحــــب و يبقـى الحنيــن
قــدرا محتـــــــم فــلا تـهـربــــــين
تــذوب الحنـــــايــا فــلا تـخجـلــين
مللـت الســـــراب وليـــل الغيــــاب
يـا فــــرح الزمـــان ونبـــع الحنــــان
وشمـــس المكــــان فــلا تغربـــين
ستبـقـين قـلبــا وقـــــت الصــــلاة
ستبـقــين دومـــــا بفضـــــل الاله
عطـــر و عمــــر لفــــرح الحـــــياة
يـا صــــوت الأذان يــا كل الـرنيــــن
فـمن تعـشـقـين فـمن تعـشـقـين
علـى شـفـتيـك لحـن وعــــــــــود
علـى وجـنتيـك مـعنى الوجـــــــود
تعــالى نـرحـل بـعـــد الجــــــــراح
فـقــلبى لقـلـــبك حضــن البـــراح
وعينــك قـمـــرا ينيــر الصــــــــباح
شمسا وعطــرا وهمـس الســنين
فـلا تتـــــركـــينى و لا تـرحلــــيــن
و قـــربى دومـــــــا و لا تـخجـلـــين

جوة منك يا وطن .... بقلم أبو يوسف محمد

مرة زمان من زمن

جوة منك يا وطن

جوة الوهن

غنى الصبى حلم الوطن

حلمه الضرير

حلمه الأسير

مات الضمير

جوة منك يا وطن

حدوتة بايخة

وألف صرخة

فى الطريق مستهترة

أوجاع كتير متكررة

قصاقيص بتحكى حلمها

يوم ما اقتلوا إبنها

مـ اللى خاين واللى بايع

وكتير ضماير فـــ الشوارع

متغيرة ..... متبعترة

ونفوس كتير من غير تمن

كان الزمان غير الزمن

جوة منك يا وطن

جوة الوهن

غنى الصبى حلم الوطن

حلمه الضرير

حلمه الأسير

مات الضمير

جوة منك يا وطن

وهم جرح الهمهمة

يزرع حروف متلجمة

أفواه كتير متكممة

وأيادى حرة مقيدة

كان حلمها

لحظة سجود مع ربها

بعد الغروب

يطل تانى فجرها

عصفور ضعيف

وفصول خريف ... متغيرة

ونفوس ضعيفة مكسرة

أحلام كتير متبخرة

أشواك كتيرة مزهرة

كان الزمان غير الزمن

انكسار

ألف ليل من غير نهار

حزن وشجن

جوة منك يا وطن

جوة الوهن

غنى الصبى حلم الوطن

حلمه الضرير

حلمه الأسير

مات الضمير

جوة منك يا وطن

ألف صرخة مـ الضياع

ألف كلمة بتتولد

لحظة وداع

فارس بطل

فارس جدع

فارس شجاع

لحظة ما مات

اتولد حلم طاهر

هزنى وهز السكات

جوة حزنك

هنسى دمعى

لما يوم يعيش ولادى

جوة فرحك

وانسى همى جوة همك

وانسى نفسى جوة منك

جوة منك يا وطن

مرة زمان من زمن

جوة الوهن

غنى الصبى حلم الوطن

حلمه الضرير

حلمه الأسير

مات الضمير

جوة منك يا وطن

جوة منك يا وطن